МУ-ын Баатар Норпилын Жамбаа

      Баатарлаг хилчид

Баатар Нэхийтээр овоглосон
Байлдааны тугаа өндөрт залсан
Алдар түүхийн алтан өлгий
Арван дөрвөн баатрын домог шивнэсэн

Тужийн нарс тунгалаг Сэлэнгэ
Цармын даваа Сайхны хөтөл
Тулгын гал шиг улайсч байсан
Тэмцэл тулааны талбар болсон

Энэ сайхан Сэлэнгэ минь
Эрдэнэс баялаг газар шороо минь
Нэхийт, Гиваан, Дорж, Төмөрбаатар,
Чогдон, Шийлэг, Тэгшээ, Гуулин,
Намнан, Даваадорж, Лхагвадорж,
Жамбаа, Бадам, Дамбаа

Шилдэг баатар эрс минь
Тодорч төрсөн түүхтэй
Намтар түүхийн хуудсанд
Мөнхөрч үлдсэн баатруудтай

Үе залгамжилсан хилчдийн
Бахархал болсон зоригтнууд
Дайчин алдрын тавцан дээр
Туг шиг мандсан хилчид минь ээ

Г.Гэрэлээ ХХЕГ-ын хаалгаар нэлээд өндөр настай хүн орж ирэхтэй нь таарлаа. Музейн эрхлэгч Г.Хүүжий гуайгаас юун хүн болохыг тодруулбал "1945 оны дайнд оролцогчдоос маш цөөхөн хүн үлдээд байгаагийн нэг нь энэ хүн. Цэрэгт байхдаа отрядынхаа 5000 адууг зүсээр нь ялгадаг залуу байсан” гэлээ. Уулзахсан яриулахсан гэсэн хүслийнхээ дагуу түүнээс ярилцлага авснаа толилуулъя. Эх орныхоо ширхэг чулууны төлөө амь хайргүй тэмцэж явсан тэдний минь хэлсэн үг бүхэн хожмоо хамгийн үнэтэй дурсамж болон үлдэнэ гэдэгт үл эргэлзнэм.